die meisie van buite af


Sy sê sy’s opsoek na seerowers wat reis deur die sterre

En sy skree op die maan wanneer sy sukkel om te slaap

Sy dans vlugvoetig op die ritme van vallende harte

dan mop sy die vloer om dit weer te kan doen.

Sy sluit haar deur 

maar hou haar vensters oop

Met die hoop dat daar ‘n dief sal kom om haar hart te steel

Sy sit by boemelaars om hulle taal te leer,

sy’t meer as ‘n jaar terug kamer uitgevee.

Die sleutel na haar kombuis se agterdeur

het sy vir ‘n man langs die straat gegee

en gesê hy moet dit verkoop sodat hy kan eet.

As sy in die vlam inkyk, 

sal sy glimlag

sy sal glimlag en die vlam verwelkom.

Mens kan maklik verdrink in die blou van haar oë.

Skynbaar ongenooid. Skynbaar welkom.

Advertisements

die droogte

in my gedagtes sien ek die kindertjies uithardloop sodra die wolke al die seer van die laaste jaar kan laat gaan

en dan die groen weivelde

dan die vet veë…

dan die wolwe

dan die ‘wie-se-weiveld-is-groener’

dan die gewoontraak aan die groen

die lui-rustigheid

die stadige vertraging van ons voortgang

die stadige oorgee aan die dood…

die reën moes lankal gekom het,

maar die droogte is goed vir groei.

blou lig en oranje bome


‘n False hoop flikker met die geraas van die telefoon

Gedog díe keer daar dalk iets daarvan sal kom

En weereens die keer

Draai ek om

Verstom

Wonderend hoekom ek hiermee moet uithou

Dan onthou ek jou

Met jou oë bruin-groen

En jou skrefies lippe allerpragtig

Ek onthou hoe dit my in die aande my van slaap geweier het

Maar nou slaap ek heeltyd

My bed is my tuiste

Jou oë ‘n eens veilige vesting

Nou ‘n mite

Vriendelike gesigte hardloop deur my brein

En al wat ek onthou is jy

ek wil

ek wil jou gelukkig maak

ek wil jou vashou as jy hartseer is

en bel as jy verveeld is

ek wil seker maak jy volg jou drome

maar ook dat jy nie té hard is op jouself nie

ek wil jou herriner as jy vergeet

ek wil jou my kennis deel sodat jy ook kan weet wat ek weet

ek wil ‘n oor wees wat luister

ek wil hoor van al jou skinderstories

ek wil saam jou Bybel lees en bid

ek wil saam jou oor goed dink

ek wil vir jou blomme bring wanneer alles dieselfde lyk

ek wil jou sê ek lief jou as jy alleen voel

ek wil dit sê omdat ek dit bedoel

‘n gejaag sonder wind


Na wat jaag die mens nou eintlik?

Is ‘n man op die Maan dan nou nie meer goed genoeg nie?

Bloed, sweet en trane

Tong in die kies

[Bloed]rooi in die wange

Hande arbeid vir die vlugtelinge

En handeroom vir die burgers

Mense word gebore soms as konings

En tog sal Salemo in al sy heerlikheid

Dan eers erken dat alles ‘n gejaag na wind is

Daar geen werklike rykdom te vinde is

G’n werklike vrede en rus van die wêreld wat ons so knus

Die mens jaag

Die mens jáág na iets

Iets wat daai leë kol in ons harte sal kan bewoon.

Tog soek ons vervulling nie van waar af dit vir ons belowe is nie…

Die mens wil mos nou eerder Mars toe voeter.

doen.


Sing

Sing saam

Sing spontaan

Sing die pyn weg en die stukkend reg

Sing uit volle bors en hou op sing sonder doel

Sing sodat jy voel

Sing totdat jy voel

Sokkie

Sokkie soet

Sokkie sappig

Sokkie jouself dood

Sokkie tot die musiek nie meer sinmaak nie

En jy verdwyn in die gedruis van die musiek

Jy haar om jou swaai 

En sy gly

Spring

Spring hard

Spring hoog

Spring na die begeleiding van die DJ 

Met sy krag oor jou lyf

Onthou jy is gesuip 

en dat jy enigeiemand hier kan vry

Geen gevolge om te dra

Geen jammer om te soebat

By jou vrou as sy vra hoekom sy haarself selebaat moes hou en jy jouself as ‘n slet openbaar

Skree

Skree jou longe uit

Skree totdat hulle jou hoor

Skree totdat jy jouself weer kan hoor

Totdat jy weer kan hóór

Totdat jy besef jy’s nie die as waarom die Aarde draai nie

Totdat jy besef jy skree op jouself

En jy luister